வணக்கம்! வருக!! வருக!!!

எப்படி தொலைத்தேன் உன்னிடம் என்று தெரியவில்லை! என் அதிகாலையின் தொடக்கமும் நீயே! என் அந்தி மாலை தேடலும் நீயே!

கனவாகவே கடந்து விடுமோ மிச்ச காலம், நீ துச்சமாய் நினைத்தாலும் பரவாயில்லை! தட்சணையாக கொடுத்து விடு உனது பேரன்பை! உன் பாதம் பின் தொடர ஆசை, பயணம் முடியும் வரையல்ல என் ஜனனம் முடியும் வரை!

உலக அதிசயங்கள் ஏழு! நான் கண்டேன் அந்த ஏழு அதிசயங்களையும் மொத்தமாக உன் உருவில்!

காதலோடும், கனவோடும் கையில் பேனா எடுத்து கவிதை வடித்து அதை ரசித்து மகிழ்ந்தவன் நான்! இன்று காதல் கடந்திட, கனவு கலைந்திட, நினைவு நிலைத்திட, என் பேனா கண்ணீர் வடிக்கிறது!